The Problem is always part of the Solution

Today, pinadala sa akin ng Law Office ng Credit Card Company ko ang Final Demand Letter na dapat kong bayaran ang halagang halos hindi ko naman ginastos, triple ang patong sa orihinal kong ginamit, no wonder na madaming tao ang nalulunod sa utang nang dahil sa credit card. Malaki ang problema ko dahil kahit sa installment na sinasabi nila ay mahihirapan ako at kung babayaran ko man ito, kailangan maisakripisyo ko ang gatas ng aking mga anak, take note MGA ANAK, I have 3 kids na pare parehong umiinom ng gatas, at ang gatas ay hindi basta basta ang halaga, example na lang nito ay ang gatas ng bunso na P183 ang isang box na hanggang mag-hapon lang, paano pa yung nakalata na, ang dalawa naman na kambal ay mura nga, P95 nga lang pero 24hrs lang ubos na, nagdadiaper din sila, vitamins at ang tubig na ginagamit sa pagtimpla ng gatas ay dapat Distilled Water na may halaga rin siyempre, kumpara sa iniinom namin na purified , isang container P30 lang, pero ang distilled, isang 6000ML ay P78 na. Hindi pa kasama diyan ang daily na pagkain namin, how about the yaya na weekly na nagrerequest ng sahod? Kung may bibili ng Kidney ko siguro mababayaran ku ng cash ang utang sa credit card, yun ay kung may taong willing na magamit ang kidney ko na puro pinagbalatan ng 3 in 1 coffee sachet lang ang laman. Anyway, dalawa ang pwede kong gawin sa sitwasyong ito.

Magfocus sa Problema

Pwede akong magfocus sa problema at maghapong magpaputi ng buhok kakaisip sa napasok kong ito. Maging masama ang ugali dahil sa problemang hinaharap at gawing dahilan ang problema para ipaintindi sa mga taong paligid sa akin kung bakit ako nagiging masungit at mainitin ang ulo. Maawa sa sarili ko hanggang maisip ko pa ang ibang mga problema at tuluyan na akong mapepressure at tatanda ang itsura ng limang taon. Magkakaroon ng puting buhok at tatawagin itong Lucky Charm. Worst, sisisihin ko ang Diyos sa mga nangyayari sa akin, maiingit sa ibang umaasenso at sisirahan sila para naman kahit papaano kung maghihirap sila may kasama akong naghihirap.

            Kalimutan ang Problema at humanap ng Solusyon

Since walang solusyon sa pagtutok sa problema, ang naiisip kong solusyon ay ang solusyon mismo, ang unang solusyon sa problema, kahit anong problema pa ito, ay ang pagdedesisyon na sosolusyunan mo ito at doon magsisimula ang mga susunod mong aksiyon kung paano ito masosolusyunan ng tuluyan.

Anong aksiyon ang pwedeng gawin pagdating sa problemang pinansiyal?

                Ang mismong agent ng Credit Card Company na ang nagsabi, “Kung magagawan niyo po ng paraan.” Of course, lagi namang may paraan eh. Pero, ang nakakatakot na paraaan dito ay ang pag-uutang para mabayaran ang utang, pwede pero lalo ka lang malulunod dahil kadalasan kahit kamag-anak mo pa nga ang uutangan mo ay may interest ito. Magsangla o magbenta ng kung anong gamit ang meron ka ay pwede ring i-consider na paraan. Ang mga ganitong klaseng paraan ay temporary solusyon lang pagdating sa pinansiyal na problema, lagi lang kasing nandiyan ang tanong na, “What’s next?” Anong kasunod kapag nasolusyunan mo na ang problema mo?

                May trabaho ako at alam naman na ang pagiging empleyado ay sakto sakto lamang at hindi ito ang solusyon sa problemang ito. Abroad? Di ko rin kaya, di ko kayang iwanan ang mga anak ko at I believe if God will bless me, He can bless me anywhere, kaya okay lang na hanapin ko ang solusyon sa Pilipinas with his help and guidance. Well, this is it, alam mo naman na ang sasabihin kong solusyon ay ang Network Marketing which is sa estado ko ngayon ay iyon talaga ang naiisip kong pinakada-Best na solusyon, and bakit naman (siguradong tanong ng iba). Una, ang inooffer ng ganitong klase ng industriya ay ang pangmatagalan na solusyon, Financial Freedom, iyon ang solusyon talaga, kailangang magkaroon ako nito, para kapag nasolusyunan ko ang kasalukuyang problema, wala ng kasunod, kung meron man siguradong hindi ito pinansiyal na problema unless na hindi ka marunong humawak ng pera, maaring problema kung anong sasakyan ang bibilhin ko, problema kung anong tablet ang bibilhin ko, problema kung anong gadget ang ipangreregalo ko at problema kung saan kami magbabakasyon ng pamilya ko, it’s a matter of choice kung magpofocus ako sa problema, tiyak na ako ang mag-iisa sa pagbabakasyon, at sa selda ito ng city jail namin.

The Problem is always part of the Solution

Kung ano man ang magtutulak sa akin para solusyunan ang problema ko ito ay ang mismong problema, ayaw ko na may ganitong problema kaya dapat itong masolusyunan sa lalong madaling panahon. Gawin lang inspirasyon ang problema, iyon lang ay sapat na para magawan mo ito ng aksiyon.

Kung sino ka man, at kung ano man ang problema mo ngayon, start attracting solusyon, gamitin mo ang utak mo, wag ang puso at emosyon mo. Huwag kang maawa sa kasalukuyang estado mo, maawa ka sa sarili mo kung wala kang planong solusyunan ito. Problemang pinansiyal? Kung willing ka na solusyunan mo ito at handa ka na gagawin ang lahat masolusyunan lang ito(wag lang maminsala ng tao), let’s do it together!