Facebocrite

Ang mga matataba Facebook at Friendster na niluluto ang sarili sa nagmamakaawang komento sa sarili na, “Ang taba ko rito!” – Alam naman ng lahat ng mga kaibigan mo kung gaano ka kalakas lumamon at gaano kalaki ang tiyan mo. Nakita pa nga nila kung ilang layer na ang tiyan at leeg mo eh. Bakit nila ipopost ang isang picture na alam nila mismo kung ano ang mapapansin sa kanila? At ipopost ba ng mga pangit na hinahamak ang sariling picture kung sa palagay nga nila ay pangit ang pagkakakuha? Hindi siguro, Dahil kung sa akala nila pangit ang mga letratong gustong iupload sa Friendster o Facebook mas pipiliin pa nilang ilagay ang picture ng idol nilang artista o simpleng question mark kung facebook at smiley naman kung friendster. Ito ang mga tunay na gusto nilang marinig kapag pinangunahan ka nilang magkomento:


“Ang taba ko rito!” – Gusto lang nilang marinig na “Ay di nga eh, medyo pumayat ka nga diyan eh” “Waaaa ang pangit ko!” – Di totoo yan, pa humble effect lang yan, pero sa palagay niya poging pogi siya sa pose niyang iyon, hinihintay na may magkomento ng “Hi! Ur so cute!”. (Oo so cute, palitan mo lang ang ilong mo ng ilong ni Marianne Rivera, ang mata mo ng mata ni Angel Locsin, Ang kutis mo ng kutis ni Donita Rose nung 18 pa siya, Ang buhok mo ng buhok ni Bob Marley, paretoke ka na kaya.) “heheheheh, bagong gising lang ako diyan sensiya na” – Umagang umaga piling niya napakapogi niya kaya pagbigyan mo na sabihin mo lang na “Ang pogi mo pala kapag bagong gising ka” (Mas pogi ka siguro kung tulog, siguro mas maganda kung matulog ka na lang habang buhay, o kaya naman ay matulog ka muna bago makipagdate para poging pogi ka pagkagising mo at sabay date, wag ng maliligo).