Mga pagbabago buhat ng magkaanak ako

1. Dati kapag pumupunta ako ng bayan nakasapatos at pormang porma. Ngayon, kahit nakatsinelas na lang ay ok na, kahit nakashort at nakasimpleng damit na lang.

2. Dati kapag nasa Jollibee ako o McDonalds, Large Fries lagi at Top of the line burger ang inoorder mapa-CHAMP man, Quarter Pounder o Big Mac walang problema. Ngayon kahit tig 28 pesos na burger na lang, tinitipid pa ang pera, pandagdag gatas na rin kasi.

3. Dati halos bawat ikalawang araw nalilinis ko ang kuko ko sa paa at kamay, ngayon isang beses na lang sa isang linggo.

4. Dati rati nakakabili pa ako ng mamahaling deodorant, ngayon yung mga nakasachet na lang na tig 6 pesos na may nakasulat na 5 pesos lang dapat.

5. Dati papalit palit lang ng cellphone, ngayon kahit pampaload minsan wala pa.

6. Dati bawat may sikat na pelikula ay sa sinehan ko napapanood, ngayon umaasa na lang sa mga pirated DVD o sa pagdadownload sa internet.

7. Dati tuwing may makikipagtextmate sa akin ay papatulan ko at magreregister pa akong unlimited kahit globe ako at smart siya na nababalewala rin pagka-unlimited ko, ngayon kahit pa itext akong nagyayaya na makipagsex ay di ko na pinapansin.

8. Dati ginagamit ko ang lunch break ko sa pagsesurf sa internet, ngayon ginagamit ko na sa isang oras na pagtulog dahil sa puyat..

9. Dati ako ang hinihiraman ng pera, ngayon ayaw na akong ipahiram dahil sa sobrang dami ng utang.

10. Dati kahit nagagawa ko ang mga bagay na gusto kong gawin at magpakalunod sa luho ay malungkot pa rin, ngayon kahit 'di ko na nagagawa ang lahat ng bagay na ginagawa ko walang kasingsaya ang nadarama bilang isang mabuting ama.